آنان ساچینی یولور.
آتان سیگاری سیگارلا آلیشدیریر.
سنه منده یانیرام.
عمرونون 22 – اینجی باهاریندا آچیلمایاجاق گوللره یانیرام.
سینن اوسته قیزیل قان سره ن گول له اوره ییمین باشیندان کئچیر

بالام نیشانلی گئتدی
اوره یی قانلی گئتدی
آذربایجانلی گئتدی
دئییر آنان آغلاییر
آذربایجان آغلاییر

یوخومدا سنی گؤروره م، اویانیرام.
یومروقلارینی دویونله ییب گلیرسن.
اوزونده قان ایزی قورویوب.
ایچیمدن سیلینمیرسن.
گؤزومو یومورام، شهری توستو بورویور.
الیمده کی دسمالی ایسلادیب سنه دوغرو قاچیرام.
گؤزلرین گؤینه ییر. الیمی اوزادیرام، چاتا بیلمیره م.
عینالی بوکولور، توپ کیمی بوکولور.
کؤرپولر سنی قوروماغا چالیشیر.
یانار داغ شهرین اوستونه گلیب.
هر یئر قیزایر

آنان ساچینی یولور.
آتان سیگاری سیگارلا آلیشدیریر.
سنه منده یانیرام.
عمرونون 22 – اینجی باهاریندا آچیلمایاجاق گوللره یانیرام.
سینن اوسته قیزیل قان سره ن گول له اوره ییمین باشیندان کئچیر

بالام نیشانلی گئتدی
اوره یی قانلی گئتدی
آذربایجانلی گئتدی
دئییر آنان آغلاییر
آذربایجان آغلاییر

اؤلمک ایسته ییره م، اؤله بیلمیره م.
سنین مزاریندا اوزانیب دونیادان قوپمان ایسته ییره م.
دویونلنمیش یومروغوندا 5 یاشلی اوغلومون آرزولارینی آپاریرسان، قارداش.
اؤلمه نه اولار.
ناغیل اول، افسانه اول، اؤلمه.
اوغلومون قولاغینا پیچیلدادیغیم ناغیلین قهرمانی اول.
آنا سودونو داغ چیچه یینه قاتیب یارانا مرهم ائدیم.
گئتمه نه اولار.

سو ایچدیم دیلیم یاندی
اود دوشدو کیلیم یاندی
من کیلیمده دئییلم
باغچادا گولوم یاندی